Се завртуваш од прозорецот
Се завртуваш од прозорецот.
Тоа човек треба да го издржи.
Врани пролетуваат зад тебе,
а ти ништо не знаеш.
Чекаш гласот да ти се врати,
но болснува тишината
и меѓу нас пука болест.
Ќе загинеш, ќе загинеш!
Што со овие дланки
што гинат бавно, тајни?!
Смелост немам да ти речам
дека ќе загинам.
И Вечноста ќе се пресече,
збунета ќе стојам
раздирана од двајцава
што тивко се смеат.
Се вртиш од прозорецот.
За да ги запишам зборовиве треба време.
Тоа беше вчера, дамно,
кога те видов последен пат
како се вртиш од прозорецот.
Собава оттогаш во мрак пропаѓа.
И јас ја изречувам онаа грозна лага
што крвта ја раздира
и вечноста на колена паѓа.
Неа
Воени песни
Иако скршено и заклучено под земја
Ритми
Смешни песни
Песни од Индија
Златните раце на демонот
Лебедов циклус
Еднорози
Деогае
Quick links:
Мој блог - Покана за колаборативен превод на Руми, и нешто лично
back to the top || назад кон врвот
Copyright notice: The contents of this page are licensed under the Creative Commons Attribution-Noncommercial-No Derivative Works 3.0 License. All materials available may be accessed, displayed, distributed, reprinted or electronically republished free of all fees, for non-commercial purposes only. All references to copyrights of the author and the original publishers (if any named) must be preserved. Please add the Cc logo to your own reproductions. Do not remove, add, delete or modify the contents. Any of these conditions can be waived by a written permission of the copyright holder(s).
Бackground graphics developped by
