Пророштво

Кога Земјата ќе исчезне,

ќе се вратиме сите

да довршиме една војна

што никогаш не се случи.

Ќе се вратиме заборавни

и, дека мртви, умо-отсутни,

таму кај ќе беше била

земната драга школка.

Ќе застане секој ревно

прагот да си го брани

и стотици сенки

на исто место ќе стојат.

Ќе започнеме војна,

но без ќеиф и нафака,

па ништо не ќе биде.

Ќе крстариме така

по плочата на сеќавањето

се’ додека првиот не открие

дека и под земја се оди.

Ќе не изненади ли

неприличната моќ згодна,

ќе се размешколиме

од површината до средиштето

на топката што одамна ќе ја нема.

Ќе се сетиме одеднаш

дека сме биле мртви толку пати;

везот што не’ целел

кориците веќе не ги држи.

и плашт блед ќе дојде да не’ однесе

Бackground graphics developped by